Најмалку 65 венецуелски војници се уапсени, наведе адвокатот Алонсо Медина, посочувајќи дека меѓу задржаните има и офицери и капетани од голема погранична единица.
Медина, од адвокатското здружение „Форо пенал“ истакна дека некои офицери се обвинети за предавство на тетковината и поттикнување на немири, а други уште чекаат да се појават на сослушување во судот.
Опозицискиот лидер Енрике Каприлес тврди дека меѓу војниците во Венецуела има „целосна поделба“ и „длабоко незадоволство“ од Владата.
Апсењата се извршени во моменти на повеќемесечните политички кризи и масновни улични протести со барање за предвремени избори, кои венецуелската полиција ги растерува со солзавец и гумени куршуми.
Од почетокот на април во Венецуела се одржуваат протести против претседателот Мадуро, при што досега се убиени 38 лица.
Венецуелскиот претседател Николас Мадуро вчера назначи нов министер за здравство, по веста што беше објавена во средата за загрижувачките податоци за смртноста кај децата во земја. Новиот министер Луис Лопес Чехеда ја замени Антонела Капоралес.