Претседателот на САД Доналд Трамп изјави денеска дека е подготвен да помогне и да биде посредник во потпишувањето на конечниот мировен договор меѓу Палестинците и Израел.
Трамп на прес-конференцијата одржана пред состанокот со палестинскиот претседател Махмуд Абас во Белата куќа истакна дека Израелците и Палестинците мораат да работат заедно со цел постигнување на договор, што не може да биде наметнат.
– Подготвен сум да бидам посредник и да ви помогнам. Но, вие мора да постигнете договор. Палестинските лидери мораат едногласно да го осудат насилството и омразата, наведе Трамп.
Американскиот претседател нагласи дека мирот значи и победа над терористичките организации како што е Исламската држава. Тој ја пофали соработката меѓу безбедносните служби на Израел и Палестина.
Абас изрази уверување дека Трамп може да помогне да се постигне долго очекуваниот мир.
– Вие сте посветени и имате желба се да добие свој „плод“ и да биде успешно, објасни Абас.
Трамп најави дека ќе разговара со Абас за економската соработка, развојот на приватниот бизнис, вработувањето и владеењето на правото, што, како што нагласи тој, се клучни за постигнување на мир.