Трамп: Можен е голем конфликт со Северна Кореја, но сакам решение по дипломатски пат

Од:

Американскиот претседател Доналд Трамп изјави дека е можно да дојде до голем конфликт со Северна Кореја заради нејзините нуклеарни и ракетни програми, но кажа дека претпочитува спорот да се реши по дипломатски пат, пренесоа британските медиуми.

– Има можност на крајот и да влеземе во голем, голем конфликт со Северна Кореја. Целосен, рече Трамп во интервју за Ројтерс пред утрешниот 100-ти ден од почетокот на неговото претседателствување, пренесува БТА.

Тој, сепак, изјави дека сака мирна разрешница на кризата која малтретира неколку американски претседатели. Трамп и неговата Влада се залагаат за овој пристап, подготвувајќи нови различни економски санкции и, истовремено, не ја исклучуваат и воената варијанта.

– Многу би сакале работите да ги надминеме по дипломатски пат, но тоа е доста тешко, рече тој.

Според него, Северна Кореја е неговиот најголем глобален предизвик.

Трамп го пофали кинескиот претседател Кси Џинпинг за помошта на Пекинг во обидите за зауздување на Северна Кореја. Двајцата лидери овој месец имаа средба на Флорида.

– Верувам дека тој вложува сериозни напори. Со сигурност знам дека не сака да има тензии и смрт. Не сака да го гледа тоа. Тој е добар човек, рече Трамп.

Според него, кинескиот претседател „би сакал да може да направи нешто, но веројатно дека нема да може“.

Би можело да ве интересира

Рјабков: Русија ќе го натера Вашингтон да стресе и да замолчи

Бајден ќе присуствува на инагурацијата на Трамп

Обвинителите се откажаа од случајот против Трамп поради напорите за поништување на изборните резултати

Америка потврди: Им дадовме зелено светло, можат да нападнат

Трамп планира да ги исфрли сите трансродови луѓе од војската на првиот ден на функцијата пишува „The times“

Катерина Ѓуровски

НАТО соопшти за што разговарале Руте и Трамп