Британскиот дневен весник “Фајненшл тајмс”, го прогласи претседателот на Европската централна банка (ЕЦБ) Марио Драги за личност на годината, поради спасување на еврото.
Планот на ЕЦБ за купување на обврзници е објавен во август и аналитичарите истакнуваат дека тоа претставува пресвртница во тригодишната должничка криза.
Пред ЕЦБ да го објави откупот на обврзниците на задолжените земји, на финансиските пазари владееше сериозно сомневање за способноста на еврото за надминување на кризата.
Драги непосредно пред објавувањето на веста за откуп на обврзници рече дека во рамките на мандатот во ЕЦБ ќе стори сé за да го спаси еврото.