Две лица беа убиени синоќа во Венецуела за време на антивладините протести, пренесува БТА.
Досега, при протестите против венецуелскиот претседател Николас Мадуро се убиени 23 лица.
Извор од венецуелското обвинителство наведе дека новите жртви се од градовите Баринас и Мерида, што се наоѓаат во западниот дел на земјата.
Двајцата биле застрелани, додека протестирале мирно.
Уште седум лица се ранети, од кои шест се во критична состојба, додаде изворот.