Американскиот претседател Доналд Трамп изјави денеска оти верува дека нападот во Париз ќе и помогне на лидерката на Националниот фронт Марин ле Пен во нејзината трка за претседател на Франција.
Трамп истакна дека и покрај тоа што експлицитно не ја поддржува Ле Пен, нападот во Париз на неа „и оди од рака“.
– Таа има најцврст став кога станува збор за границите и за она што се случува во Франција. Тој што е најцврст по прашањата за радикалниот исламски тероризам и по прашањата за границите, добро ќе помине на изборите, наведе Трамп.