Еден полицаец од Прилеп, кој бил на должност, синоќа бил повреден со нож од страна на крадци на акумулатори.
Како што соопшти денеска МВР, полицаецот синоќа во 20.50 часот на улицата „Марксова“ во Прилеп забележал две лица како вршат кражба на алумулатор, по што тргнал кон нив. Еден од сторителите, Р.Р. (42) од Прилеп, забележал дека им се приближил полицаецот и со нож замавнал кон него, нанесувајќи му расекотина во пределот на десната дланка, по што побегнал.
По преземените мерки, полициски службеници ги пронашле и привеле Р.Р. и неговиот 16-годишен син. Повредениот полициски службеник е пренесен и задржан во Општата болница Прилеп, каде му е констатирана телесна повреда.
Се преземаат мерки за целосно расчистување на случајот.
