Ракометарите на Еурофарм Работник го добија битолското дерби против Пелистер.
Во последниот натпревар од 4.коло на Плејоф лигата, кој се одигра попладнево во Битола, Еурофарм Работник го совлада градскиот ривал Пелистер со 26-25, полувреме 11-11.
Серхио Барош со 7 гола беше најефикасен кај Еурофарм Работник, а Чурлевски и Крстевски постигнаа по 4 гола. Кај Пелистер се издвоија Богдан Николиќ со 7 и Васко Димитровски со 5 гола.
За ракометарите на Еурофарм Работник ова е втора победа во плејофот, додека Пелистер го претрпе третиот пораз.
На претходно одиграните натпревари од ова коло гостински победи остварија фаворитите Металург и Вардар.
Металурзите славеа во Велес против Борец со 35-32, додека Вардар убедливо го победи Охрид со 35-23.
По бодови води Металург со 12 бодови, следат Вардар 9, Еурофарм Работник 6, Охрид 6, Пелистер 3 и Борец 0.