Делегација на АРМ предводена од Началникот на ГШ на АРМ генерал-потполковник Методија Величковски во текот на вчерашниот ден во рамки на работната посета на сојузната држава на САД-Вермонт имаше средба со својот домаќин, командантот на Националната гарда (НГ) на Вермонт генерал-мајор Стивен Креј, соопштија од АРМ.
На средбата се разговарало за актуелните активности во воената соработка, особено во делот на обуката и вежбовните активности.
На состанокот биле презентирани заедничките активности и капацитети, а генералите искажале задоволство од реализацијата на досегашната соработка, и потребата за постојаното проширување на облиците на обука со изведување на заеднички вежбовни активности кои би се одвивале на армискиот полигон Криволак со учество на армиите на земјите на САД – Јадранската повелба.
– Генералот Величковски се заблагодари за можноста на користење на капацитетите на НГ на Вермонт за обука и едукација за припадниците на Армијата на Република Македонија, особено преку расположливоста на центарот за симулации, но и планирање на изведување на заедничко изведување на обука на инженериските единици, се истакнува во соопштението.
Делегацијата на АРМ го посетила центарот за обука „Итан Аллен“ и воениот камп „Џонсон“, како и Центарот на симулации при што биле запознаени со можностите и начинот на изведување обука во овие капацитети и користење на оперативните процедури за гаѓање кои ги користи НГ на Вермонт.
Посетата на Вермонт продолжува во текот на денешниот ден каде во Монтпелиер Величковски ќе оствари средба на највисоко ниво со гувернерот на Сојузната држава Вермонт Фил Скот, а ќе го посети и воениот универзитет „Норвич“,Аагенцијата за Кризен менаџмент и државна безбедност на Вермонт.