Пратеникот на СДСМ, Хари Локвенец обвини дека пратеникот од ВМРО-ДПМНЕ, Димитар Стевананџија во својот говор зборувал за ставови, факти и шпекулации, а не прокоментирал тоа што професорот Ферид Мухиќ кажал дека никој нема право да се меша во менувањето на името на државата.
– Не ви одговара да го коментирате ставот на Мухиќ, во валканата кампања против нашата родољубивост и патриотизам. Не го искоментиравте ниту директорот на прилепската гимназија каде што учевте, кој држеше политички говори. Политиката и религијата не треба да се мешаат во образованието, рече Локвенец.