И попладнево собраниската конститутивна седница продолжи со процедурални забелешки, реплики и контрареплики. Според ВМРО-ДПМНЕ, Македонија е во тешка политичка состојба, бараат отфрлање на тиранската платформа и одржување предвремени парламентарни избори. СДСМ, пак, повторно побара да се премине на четвртата точка, за избор на собраниски спикер.
ВМРО-ДПМНЕ повторно ја обвини СДСМ за постизборен инженеринг, на што СДСМ возврати дека ВМРО-ДПМНЕ ја изместила дебатата од самиот почеток на седницата.
Претседавачот со седницата Трајко Вељаноски најави дека пратениците ќе ја продолжат расправата утре во 11 часот.