Собраниската конситутивна седница и попладнево продолжи со процедурални забелешки, реплики и контрареплики.
СДСМ повторно побара претседавачот Трајко Вељаноски да го стави на дневен ред предлогот за преминување на четвртата точка – избор на собраниски спикер, на што ВМРО-ДПМНЕ одговори дека со тоа се крши Деловникот.
По час и половина меѓусебни обвинувања, Вељаноски даде кратка пауза, замолувајќи ги пратениците да се откажат од процедуралните забелешки за расправата да продолжи, како што рече, со нормален тек. Но, дискусијата и по паузата се одвиваше исто.
Собраниската седница ќе продолжи утре, во 11 часот.