Регионалниот синдикат на земјоделски производители денеска пред Подрачната единица на Минситерството за земјоделство, шумарство и водостопанство организира предупредувачки протест.
– Бараме исплата на субвенциите. Земјоделците се уште не ги добија парите и покрај ветувањата на надлежните, изјави претседателот на регионалниот синдикат Ристо Велков.
Ова се, рече, последни предупредувачки апели до Министерството за финансии и Платежната агенција.
Велков побара и решавање на политичката криза, како и формирање влада, зашто, во спротивно, според него, се кочат процесите во аграрот.
Денешниот слаб одѕив на протестот го оправада со наводни закани, дека земјоделците нема да добијат субвенции ако излезат на протести.