По повод претстојниот празник на шегата први април, денеска во Младинскиот парк во Велес се одржа традиционалната „Априлијада“. Манифестацијата и годинава ја организира Општина Велес во соработка со основните училишта од Велес и околните населени места и градинките од Велес.
На плочникот во Младинскиот парк и овојпат на сцената продефилираа дечињата преправени во најразновидни костими и маски од бајките и цртаните филмови изработени од децата, наставниците и родителите или купени во продавниците за играчки.
Како што изјавија од службата за информирање на Општина Велес, целта на манифестацијата и годинава е децата подобро да се запознаат и дружат.