Португалецот Крисијано Роналдо е фудбалерот кој што заработува најмногу со годишен приход од 87,5 милиони евра, според францускиот магазин France Football.
Во вкупните 87,5 милиони евра на Роналдо се вклучени годишната плата во Реал Мадрид, бонусите и приходите од реклами и спонозори.
На второто место се наоѓа Аргентинецот Лионел Меси, кој што заработил 76,5 милиони евра.
Соиграчот на Меси од Барселона, Нејмар е трет со 55,5 милиони евра, Герет Бејл е на четвртата позиција со 41 милион, додека петти е Аргентинецот Лавеци кој што настапува за кинескиот тим Хебеи Фортјун со 28,5 милиони евра.
Најплатен тренер е Жозе Мурињо со 28 милиони евра, пред селекторот на Кина Марчело Липи со 23,5 милиони. Потоа следуваат Лорент Блан со 20 милиони, тренерот на Баерн Карло Анчелоти со 15,8 и тренерот на Манчестер Сити Пеп Гвардиола со 14,5 милиони евра.