Светската здравствена организација (СЗО) денеска предупреди дека се влошува ситуацијата во источната област Гута, во близина на Дамаск, каде 300.000 луѓе се под опсада, а ниту една од трите болници не функционира.
СЗО апелира да се овозможи достава на помош до областа Гута.
– Времето на луѓето во источна Гута истекува. Додека се зголемуваат здравствените потреби, достапните ресурси се трошат од ден во ден. Наша главна цел сега е да обезбедиме пристап за помошта за илјадници загрозени мажи, жени и деца веднаш, изјави претставничката на СЗО во Сирија, Елизабет Хоф.
Според СЗО, во источна Гута, која е упориште на опозицијата, „алармантно е висок“ бројот на деца кои имаат тешки повреди.
– Од сите пациенти кои страдаат од тешки повреди здобиени во војната, 30 проценти се деца под 15 години, се наведува во соопштението на СЗО.