ВМРО-ДПМНЕ со писмено соопштение реагираше на изјавата на потпретседателот на ДУИ, Невзат Бејта, во која што тој кажа дека ВМРО-ДПМНЕ ја прифатиле платформата на албанските партии.
„ВМРО-ДПМНЕ и ДУИ не постигнаа договор за идно коалицирање бидејќи за нас е целосно неприфатлив принципот на уцени и формирање на Влада по цена на рушење на највисоките национални и државни интереси. Ноторна лага е изјавата на Невзат Бејта дека ВМРО-ДПМНЕ предложило промена на униформите на полицајците Албанци.
Со ваквата изјава, Невзат Бејта ја презема улогата на портпарол на аболицираниот криминалец Зоран Заев и се обидува да му направи простор за реализирање на Тиранската Платформа. Бејта со изјавата потврдува дека ДУИ и СДСМ се согласиле околу Тиранската Платформа и имаат сериозна намера да ги реализираат елементите во неа.
Тоа нема да помине. Стотици илјади граѓани секојдневно го изразуваат својот гнев од сервилниот однос на криминалецот Заев.
Народот е на нозе! Македонија се буди!
Тиранската Платформа не поминува!“ се вели во реакцијата на ВМРО-ДПМНЕ.