Поранешниот косовски премиер и лидер на Алијансата за индината на Косово, Рамуш Харадинај во вчерашното обраќање пред албанските народни избраници, изјавил дека албанскиот фактор во регионот е клучен за економијата, политиката и безбедноста, јави дописникот на МИА од Тирана.
Тој ветил дека ќе се ангажира Косово да направи брзи чекори кон ЕУ. Според него обединувањето со Европа е заеднички пат.
– Јас, не само што целосно верувам, туку и силно ќе се ангажирам и Косово, како најмлада држава во Европа, да го стигне чекорот со другите земји во правец на интеграцијата. Да се аплицираат евтоатланските правила и вредности во почитувањето на законот, слободната економија и човековите права. Јас искрено верувам дека во интерес на сите Албанци е сите наши соседни земји да ги аплицираат идентичните правила и вредности, изјави Харадинај.
За Харадинај индината на Албанија и на Косово е во НАТО и во ЕУ, тоа е, како што рекол, патот кој нашиот народ сам го избра.
Харадинај, кој по покана на албанскиот премиер Сали Бериша престојува во Тирана имал средби и со шефот на државата Бујар Нишани, кој го одликувал со орден „Ѓерѓ Кастриот Скендербег“ со лидерот на опозициските социјалисти Еди Рама, како и со неколку лидери на други политички партии.