Лидерот на движењето БЕСА, Билал Касами пристигна во седиштето на Социјалдемократскиот сојуз, каде што ќе се сретне со претседателот на СДСМ, Зоран Заев
На средбата најверојатно ќе се разговара околу следните чекори за составување Влада, откако Иванов повторно одби да го даде мандатот.
Исто така најверојатно ќе се разговара за свикување на седница на Собранието на која треба да се избере нов претседател на Законодавниот дом.
Доколку сегашниот претседател Вељаноски одбие да свика седница, тоа може да го стори најстариот пратеник, односно Бранко Манојловски од ДУИ.
Во јавноста како најсериозен кандидат за претседател на собранието, засега се спомнува Талат Џафери.
Синоќа во седиштето на СДСМ, Заев имаше средба со лидерот на ДУИ, Али Ахмети, на која се разговараше за излезот од кризата во која се наоѓа земјата.
Виктор Јованов