Поранешната пратеничка на ДУИ Ермира Мехмети реагира на барањата и ставовите од протестите наведувајќи дека не можат да се лутат кога црквата на соседна земја им се меша во автоќефалноста, а самите ги тераат свештениците да се мешаат во политика и да предводат шовинистички протести.
„Се лутат кога соседна земја им го одрекува правото на име, а на нивните сограѓани им го одрекуваат правото на употреба на јазик.
Се лутат кога друга соседна земја им го одрекува правото како матична држава да се грижат за припадниците на нивниот народ преку границата, а протестираат зошто матичната држава на нивните сограѓани се грижи за нивните права.
Се лутат кога црквата на трета соседна земја им се меша во автоќефалноста и идентитетските прашања, а самите ги тераат свештениците да се мешаат во политика и да предводат шовинистички протести против нивните сограѓани.
П. С. Ова не е националистичи статус. Ова е само обичен обид да илустрирам дека политиката на одрекување на нечии права е еднакво фрустрирачка за секој човек, сите народи и етнички заедници“, напиша Мехмети на својот Фејсбук профил.