Ѓорге Иванов најостро го осудува денешниот инцидент во Битола во кој беше нападнат објектот на Националната установа „Музеј на албанската азбука“.
Како што соопшти неговиот кабинет, Иванов верува дека ова е изолиран случај и повикува инцидентот да не се злоупотребува за партиски, политички цели и за манипулација на јавноста.
Иванов смета дека кога државата се соочува со мошне сериозни предизвици, сите политички и општествени фактори се подеднакво одговорни за превенирање на какви било тензии и провокации, се нведува во соопштението.
Ѓорѓе Иванов апелира и до секој поединец да се однесува одговорно и да ги има предвид можните последици од ваквите инциденти.
Тој повикува на натамошно почитување и унапредување на меѓусебните односи и градење на заедничкиот соживот.