Рускиот премиер Дмитриј Медведев незнаејќи дека се вкчучени микрофоните, по телевизиската емисија на водителката и кажа дека постојат вонземјани кои се шетаат по планетава.
Видеото не е објавено на телевизија, но стигна до интернет каде што е хит.
Тој ова го кажа на прашање на водителката која од поранешниот претседател на Русија, а сега премиер побара одговор дали знае нешто за вонземјаните.
„Ќе ви кажам за прв и последен пат. Со акт ташната во која се наоѓаат шифрите за нуклеарното оружје претседателот на Русија добива и посебен таен фолдер. Овој фолдер содржи информации за вонземјаните кои ја посетиле нашата планета. Освен тоа, се добива и извештај за целосно тајна специјална служба која врши контрола над вонземјаните во нашата земја. Тие два документи се добиваат заедно со нукелраните шифри. Кога завршува претседателскиот мандат тие документи му се предаваат на следниот претседател. Повеќе информации за ова можете да добиете во филмот „Луѓе во црно“, постојат неколку верзии. Нема да ви кажам колку ги има меѓу нас, бидејќи тоа ќе предизвика паника“, рече Медведев. Водителката постојано се смееше додека премиерот и ги „откриваше тајните“, со оглед дека не е прв пат Медведев да ја употреби својата позната доза на хумор.
http://www.youtube.com/watch?feature=player_embedded&v=jYNRji31EQw