Вработените во Општина Штип и од двете jавни претпријатија „Исар“ и „Стипион“ денеска заеднички ја уредуваа и го собираа отпад на пешачката и велосипедска патека, почнувајќи од населбата „8 ми Ноември“ до населбата „Балканска“.
Во акцијата учествуваше и градоначаллникот на Општина Штип, Илчо Захариев кој истакна дека по расчистување на патеката ќе следи и нејзино холтикултурно уредување.
-По расчистувањето следи засадување на трева, холтикултурно уредување, засадување на дрвца и дрвореди, ќе ставеме клупи и корпи за отпадоци. Перспективно размислуваме да го решиме и осветлувањето на птеката, а кое мора да го решиме на различен начин од она што го имаме сега зад Исарот, вели Захариев.
Тој додаде дека идејата е наскоро да се поврзе оваа патека и со приградската населба Стар Карорман, а исто така се разговара и со Општина Карбинци да се продолжи до селото Таринци, со што граѓаните на Штип и на Карбинци ќе имаат патека која е за рекреирање по течението на реката Брегалница.