Организацијата „Младите можат“ соопшти дека 40 млади на возраст од 16 – 22 години, жители на општина Ѓорче Петов или Аеродром, ќе добијат можност да бидат дел од проектот „Младински локален активизам“, да научат за концептот на волонтирањето, повеќе за тоа што е лидерство и да стекнат вештини за работа во тим.
Рокот за аплицирање завршува на 8 февруари во 16 часот.
Со поддршка на Амбасадата на САД во Република Македонија, од организацијата потсетуваат на важноста на волонтирањето и младинската работа како алатки за понатамошен развој.
Проектот ќе биде спроведен на 11 и 12 февруари со организирање дводневна обука за влијание во заедницата и детектирање на локални проблеми, на 18 и 19 февруари со дводневна обука за тимска работа и планирање на иницијатива и од март до мај со имплементација на локални иницијативи во општините Аеродром и Ѓорче Петров.
Повеќе информации за иницијативата „Make a change – Be a volunteer“ има на веб-страната на „Младите можат“, соопштија од организацијата.