Вчера во Ресен на улицата Илинденска, позади зградата на општината Ресен лицето С.Р.М. од Бугарија направил сообраќајна незгода, при што оштетил две возила.
„Лицето С.Р.М. (31) од Р.Бугарија, под дејство на алкохол, управувал ПМВ „Тојота“ со бугарски национални ознаки, при што удрил во ПМВ „Голф“ со ресенски регистарски ознаки, сопственост и паркирано од страна на М.Д. (26) од Ресен и ПМВ „Рено Лагуна“ со ресенски регистарски ознаки, сопственост и паркирано од А.Д. (26) од Битола. Увид на местото на настанот извршила екипа од ПС Ресен. По наредба на Јавен обвинител, С.Р.М. е задржан во ПС. Се преземаат мерки за целосно расчистување на случајот“ стои во извештајот од МВР.