Министерството за култура со реакција на изјавата на Роберт Алаѓозовски во која што тој бара да се поништи годишната програма потпишана од министерката Канческа Милевска.
„Министерството за култура најостро реагира на изјавите на господинот Роберт Алаѓозовски. Господинот Роберт Алаѓозовски нема право, ниту легитимитет како претседател на Комисијата за култура на СДСМ да бара поништување на резултатите по конкурс на една државна институција како Министерството за култура.
Преку својата партиска функција, Роберт Алаѓозовски врши груб притисок и мешање во работењето на Министерството за култура.“ стои во реакцијата на министерството.