Најдобриот кошаркар на сите времиња Мајкл Џордан беше избркан од кантри клуб во Мајами, бидејќи го прекршил кодексот на облекување.
Џордан, наводно, бил избркан додека играл голф, а обезбедувањето му забранило да се врати.
„Сум бил овде многупати и никој ништо не ми рекол”, изјави Мајкл.
„Луѓето од обезбедување ми пријдоа додека бев на 11. дупка и ми рекоа дека не смеам да ги носам овие бермуди”.
Откако освојувачот на шест НБА титули одбил да ги смени бермудите, обезбедувањето му наложило да го напушти клубот и повеќе да не се враќа.
„Не знаевме дека не смее да се врати. Мислам дека тие загубија, бидејќи Мајкл е одличен голфер и добар гостин”, изјави портпаролот на Џордан.