Бројот на прикажани претстави во професионалните театри во периодот 2011/2012 година, во споредба со периодот 2010/2011 година, е намален за 7,8%, а на посетители за 30,1%. Просечниот број на посетители на една претстава изнесувал 244, соопшти Државниот завод за статистика.
Бројот на прикажаните претстави во професионалните театри за деца и млади, пак, е зголемен за 17,6%, а на посетителите е зголемен за 34,2%.
Аматерските театри прикажале за 31,5% помалку претстави, а имале и за 44,7% помалку публика.
Намалување на бројот на концерти и на посетителите е евидентиран и кај Филхармонијата.
Кај професионалниот ансамбл на народни игри и песни, во периодот 2011/2012, во споредба со 2010/2011, е забележано зголемување на бројот на самостојните приредби (концерти), и на бројот на посетителите.