Повредени и уапсени, ова е епилогот од синоќешните судири меѓу полицијата и демонстрантите во Марибор.
Повредени се 24 лица, а уапсени се 140 учесници во протестот.
Во Марибор, каде што се собраа околу 10.000 демонстранти на протестите против градоначалникот, Франц Канглер поради обвиненија за корупција, но и против сите политичари што се на власт во Словенија, дојде до насилство и судир на демонстрантите со полицијата.
Полицијата реагирајќи на фрлањето со шишиња, петарди, камења и факели на општинската зграда, почна да ги потиснува демонстрантите и побара од нив да завршат со протестот.
Полицијата фрли и солзавец за да ги растера демонстрантите.
Протести имаше во речиси сите словенечки градови. Во Целје 10 демонстранти се приведени, а протестите во сите словенечки градови веќе беа најавени како „побуна и општонародно востание“. Демонстрантите бараат оставки од сите политичари, без исклучок. Протестите продолжуваат и следните денови.
Демонстрантите изразија увереност дека изборот на Борут Пахор за нов шеф на државата нема да промени ништо.