Во Марибор, каде што се собраа околу 10.000 демонстранти на протестите против градоначалникот, но и против сите политичари што се на власт во Словенија, вечерва дојде до насилство и судир на демонстрантите со полицијата.
Полицијата реагирајќи на фрлањето со шишиња, петарди, камења и факели на општинската зграда, почна да ги потиснува демонстрантите и побара од нив да завршат со протестот. 
Полицијата фрли и солзавец за да ги растера демонстрантите.
Дојде до неколку апсења, полициски хеликоптер го надлетуваше местото, а беше испратено и полициско засилување за да помогне во растерувањето на масата луѓе.
Протести има во речиси сите словенечки градови.
Во Целје 10 демонстранти се приведени, а вечерашните протести во сите словенечки градови веќе беа најавени како „побуна и општонародно востание“.
Демонстрантите бараат оставки од сите политичари, без исклучок. Протестите продолжуваат и следните денови.