Нашалникот на Генералштабот на АРМ генерал потполковник Методија Величковски денеска во рамките на годишна конференција на главните подофицери во командите и единиците на АРМ, првпат во АРМ симболично ќе изврши доделување на ознаките за должноста главен и прв подофицер во Армијата на Република Македонија.
Доделувањето на ознаките е согласно со Уредбата за единствен знак за припадност на Армијата на Република Македонија, униформата, ознаките на чиновите, на родовите и службите, ознаките на единиците како и начинот и условите за нивно носење.
На конференцијата пред началникот на ГШ и командантите на командите и единиците на АРМ, главните подофицери ќе брифираат за реализираните и претстојни активности на подофицерскиот кор на АРМ.
Подофицерскиот кор во АРМ и армиите на НАТО е особено значаен со улогата на компетентни тренери со развиени лидерски карактеристики и способности, и претставува еден од главните столбови во изведување на воената обука.
