Управниот суд ја прифати тужбата на ВМРО-ДПМНЕ за гласачкото место број 0396/1, општина Гостивар, Изборна единица број 6. ДИК го уважи приговорот на БЕСА, но Управниот суд не се согласи со оваа одлука.
Судот постапувајќи по тужбата на тужителот ВМРО-ДПМНЕ, најде дека тужбата е основана, бидејќи приговорот на БЕСА до ДИК не содржи потпис од подносителот на приговорот, ниту електронско сандаче за прием на писмената што е спротивно на член 147 став 3 од Изборниот законик. Значи на ова избирачко место нема да има прегласување.