Ансамблот на балетот на МОБ вечер во Ротердам ќе го изведе современиот балет „14 часа“.
Ова е современо балетско дело, кое низ синџир од 12 сцени ги разработува женско-машките односи преку ликовите на Лили и Марк.
Автор на музиката е Кирил Џајковски, а кореографијата и сценографското идејно решение се на Игор Киров. Костимите се на Александар Ношпал, а режијата и либретото на Наташа Поплавска.
Во „14 часа“ играат Александра Мијалкова, Васил Чичијашвили од Грузија, Бобан Ковачевски, Наташа Јосифовска, Игор Веланоски, Јан Кисилев, Дафина Данилоска, Саша Евтимова, Билјана Басмаџиева, Агим Бафтии, Мирослав Митрашиновиќ и Светлин Стојанов (Бугарија).