Литванија отворила телефонска линија на која граѓаните можат да пријават потенцијални странски шпиони, со цел да се крене свеста за можните закани.
Портпаролката на литванската државна безбедносна агенција, Аурелија Каткувијен, изјави дека оваа линија, што ќе биде активна 24 часа, е отворена како одговор на растечките кибер-напади и други закани за националната безбедност, пренесуваат американските медиуми.
-Сега секој граѓанин ќе може да придонесе за безбедноста, наведе таа.
Американските медиуми пренесуваат дека во претходните години Литванија депортира неколку руски дипломати, кои беа осомничени за шпионажа.