Литванија затвори два гранични премини со Белорусија поради Вагнер

Од:

Литванската влада денеска одлучи да затвори два од шесте гранични премини со Белорусија поради „геополитичките околности“ кои настанаа откако Белорусија прифати членови на руската платеничка група Вагнер.

Два гранични премини, кои не се користеа за комерцијални возила, ќе бидат затворени од петок, соопшти Литванија. Соседна Полска годинава ги затвори сите гранични премини кон Белорусија освен еден поради апсењето на новинари од полско потекло и протерувањето на полските дипломати.

Полско-белорускиот известувач Анджеј Поцобут беше осуден на осум години затвор за критичко известување за промосковскиот режим во Минск. Полска минатата недела објави дека планира да распореди дополнителни 10.000 војници на границата со Белорусија за да им се придружат на веќе распоредените трупи.

Во Полска веќе подолго време расте загриженоста за активностите на платеничката група „Вагнер“ во Белорусија и се поголемиот број мигранти од кризните подрачја кои неовластено сакаат да влезат во Европската унија преку соседната земја.

Полска минатата година со висока ограда ја обезбеди границата со Белорусија долга 418 километри, а во октомври, истовремено со парламентарните избори, ќе одржи референдум дали таа треба да се зачува.

Би можело да ве интересира

Обединетите нации се во ќорсокак, потребни се промени призна Гутереш

Пендаровски: Исходот од војната во Украина ќе влијае врз поредокот и меѓународните односи во иднина

Катерина Ѓуровски

Шефот на НАТО даде дозвола: На Украинците ќе им биде дозволено да стрелаат во Русија со авиони Ф-16

Предраг Петровиќ

Европската унија воведе рекордни санкции против Русија

Путин: Модернизиравме 95 отсто од нуклеарните сили

Бајден воведува нови големи санкции против Русија