Општинскиот комитет на ВМРО-ДПМНЕ–Штип на денешната прес-конференција остро го осуди оштетувањето на билбордите и пишување на предизборни графити на Градскиот стадион. Кандидатот за пратеник на ВМРО-ДПМНЕ во ИЕ 3, Трајче Димков рече дека ова утро градот се разбудил со вандалски чин.
– Два билборда на ВМРО-ДПМНЕ се оштетени, а Градскиот стадион е исшаран со политички графити. Иако добија место за лепење на изборни плакати, сепак тие одлучија да го нагрдуваат градот шарајќи онаму, каде што ќе им текне. Ваква политичка неколтура не е видена со години. При тоа важно е да се напомене дека ова не е прв случај, бидејќи слични инциденти се регистрирани и во други градови низ Македонија, па станува јасно дека станува збор за организирана акција на опозицијата со која се оцрнува целата изборна кампања, рече Димков.
Тој апелираше до СВР-Штип да ги најдат сторителите на овој вандалски чин, но како што рече се сомневаат дека ќе се најдат, бидејќи за опозицијата било најважно да се сменат челните луѓе на полицијата, отколку да обезбедат фер и демократски избори.