Собранието на Република Македонија утре ќе биде отворено за посета од страна на граѓаните.
– Тоа претставува можност посетителите да ја разгледаат внатрешноста на зградата како значајно историско обележје на македонската државност и да добијат одговор на нивните прашања, соопштија од Собранието на Република Македонија.
Собранието, како што потсетува прес-службата, е отворено за посета секој последен петок во месецот, а заинтересираните граѓани потребно е да се пријават на телефон 02/3113-683 или на е-маил [email protected], најдоцна пет работни дена пред посетaта.