Владимир Ѓорчев, носителот на листата на коалицијата „За подобра Македонија“ во ИЕ 6 го посети Гостивар и на неколку средби со гостиварци пренесе дел од програмата на ВМРО-ДПМНЕ „Реално“ кои се однесуваат на Гостивар и околината.
Како најважни и клучни ги нагласи подобрувањето и осовремнуавњето на регионалните и магистрални патните правци низ гостиварскиот регион, а предвидено е да се гради гасовод кој ќе обзбеди поевитно снабдување со енергенси за индустријата.
– Со целосна реконструкција на постоечкиот патен правец Гостивар-Кичево како на коловозот, така и на сите мостови, ќе се обезбеди поквалитетна комуникација во овој регион. Во план е и изградба на автопат на овој патен правец и поврзување со оној што се гради од Кичево кон Охрид. Крупен зафат е и реконструкцијата на патниот правец Тетово-Пирок-Гостивар, изјави Ѓорчев.
Со програмата, додаде, предвидено е и поврзување на Гостивар со изградба на гасоводот од Скопје, преку Тетово, а исто така ќе биде обезбедено и поврзување од јужната страна, односно со гасоводот од Битола.
– На тој начин ќе се обезбедат поевитни енергенси за стопанството, повеќе работа, а со тоа и отворање на нови работни места. Како важен проект на новата влада е зголемување на социјалната помош за 50 проценти во наредните четири години, потенцира Ѓорчев.
Дафина Јовановска Стојаноска, која се наоѓа на листата за кандидати за пратеници во ИЕ 6 најави и неколку помали пороекти, за кои како што рече, се од голема важност за гостиварци. Таа рече дека ќе се грдат нови 70 социјални станови, две градинки во Гостивар и Врапчиште, ќе има санација и реконструкција на неколку училишта, медицинска опрема во јавните здравствени установи со вредност од 1,5 милиони евра и неколку реконструкции на локални патишта.
Ѓорчев придружуван од сопартијците го посети и локалниот пазар, каде делеше примероци од програмата за претстојните избори.