„Напаѓачите“ од групата од Серава која ја посочи дополнителниот заменик Диме Спасов дека го бркала ноќта кога удри две возила, а потоа избега од полицијата, го демантирале Спасов уште синоќа, дознава А1он.
Кога ги слушнале своите имиња на некои од провладините медиуми лицата сами синоќа отишле во полициска станица и дале изјави во кои се посочува дека приказната нема никаква врска со нив, ниту е вистинска. Ниту го бркале, ниту го виделе Спасов во ноќта кога заменик министерот удри две возила.
Како што објавија медиумите блиски до власта, Спасов го бркала група од албанска етничка припадност од Серава, и затоа бегал и удирал по возила, а потоа избегал и од полицијата. Тој синоќа во полицијата не поднел кривична пријава против нив, туку пријава-поплака што е нелогично со оглед дека се тврди дека бил во опасност.