Секретарот на општина Струмица, Кирил Парталов, денеска на прес-конференција ги отфрли наводите на Васил Пишев од ВМРО – ДПМНЕ околу владението врз просторот на поранешната касарна и го повика Пишев да покаже документ од Министерството за одбрана.
– Го повикувам Васил Пишев, пред целата јавност да покаже документ со кој касарната е предадена на Општина Струмица, онаков документ од Министерството за одбрана кој го имаат другите девет општини во Република Македонија. Касарната и земјиштето не се предадени на Општина Струмица, рече Парталов.
Земјиштето, додаде, е во државна сопственост и за дел од него е донесен Детален урбанистички план врз основа на Планска програма по налог од Министерството за транспорт и врски. Со тој план тоа земјиште е наменето за продажба комерцијално и комерцијални станбено- деловни објекти, наведе Парталов.