Чешката Влада го усвои предлогот да се овозможи усвојување на биолошкото дете на еден од хомосексуалните партнери кои живеат во регистрирано партнерство.
Измените на Законот за регистрирано партнерство за кои се разговара повеќе години, се однесуваат на децата, кои се родени во претходна врска или со вештачко оплодување на еден од родителите кој живее во регистрирано партнерство и овозможува посвојување од другиот партнер, јави дописникот на МИА од Прага.
– Целта е, пред се да се заштитат децата, да бидат на еднакво рамниште како децата во други семејства. Се овозможуваат секојдневни работи, како добивање информации за здравствената состојба на децата, можноста без додатни документи да го земаат детето од градинка или пак чување и воспитување во случај на смрт на биолошкиот родител, изјави минизтерот за човекови права и законодавство Јиржи Динсбир.
Акуелбиот Закон за регистрирано партнерство меѓу хомосексуалните двојки, во Чешка важи од 2007 година и ја регулира заедницата на истополовите парови, но не е дозволено посвојување на деца.