Кошаркарите на МЗТ Скопје Аеродром синоќа во Задар го претрпеа и петтиот пораз на исто толку натпревари во регионалната АБА. Разочарувањето беше големо кај тренерот Александар Јончевски, кој не успеа да победи во првиот меч сезонава во АБА-лигата во кој беше во улога на прв тренер, по оставката на Емил Рајковиќ минатата недела.
– Гостувањата во Задар никогаш не се лесно, па така беше и сега, без разлика на проблемите во составот со кои се соочуваше нашиот домаќин. Ангажирањето на Рамљак се покажа како вистинско, ние едноставно не успеавме да најдеме решение. Кога помисливме дека го најдовме вистинскиот ритам со играта во второто полувреме против Лиеткабелис, дојдоа напорни патувања, кои заедно со константните проблеми со повредите доведоа да не можевме да одговориме на вечерашниот предизвик во АБА лигата. Се надевам дека во претстојната недела во која ќе тренираме во Скопје ќе успееме добро да се подготвиме за првата победа во новата сезона, изјави стратегот на „металците“.
Следниот натпревар на МЗТ Скопје Аеродром е против Карпош Соколи, во недела во салата „Јане Сандански“.