Хрватскиот претседател Иво Јосиповиќ смета дека по ослободителната пресуда на хрватските генерали во Хаг шансите на српската противтужба речиси се никакви и засега средбата со српскиот претседател Томислав Николиќ би била бесмислена.
Јосиповиќ истакна дека не се гледа со претседателот на Србија, но додаде дека ги чита „неговите необични изјави“ и повтори дека генералите Анте Готовина и Младен Маркач се воени херои.
– Нашата тужба има одредени шанси, јас тоа го следам како правник и знам дека таа постапка ќе заврши, но како претседател не можам ништо да кажам. За спогодбите и порамнувањата одлучува Владата, но за такво нешто има малку простор, рече Јосиповиќ.
Тој забележа дека е штета тоа што со своите изјави по ослободувањето на хрватските генерали Николиќ и некои други функционери во Србија го спречуваат процесот на помирување и соработка.
– Додека ние во Хрватска заговарајќи вистинско помирување, сакаме да ја спуштиме топката на земја, претседателот на Србија ги гледа работите поинаку, додаде хрватскиот претседател.