„Денеска сме тука да се приклучиме на розевата поддршка и да покажеме дека жените коишто се борат со ракот на дојка не се сами.
Ова општество и оваа држава и сите ние, сакаме да дадеме поддршка и да покажеме дека превенцијата е важна, дека само прегледите спасуваат животи, а дека државата и здраствениот систем мора да направат се, за да им помогнат на сите оние коишто страдаат од оваа болест, да им помогнат полесно да се справат со неа, да се справат и со последиците на оваа болест, којшто одзема многу животи на жени и во Македонија, и во светот.
Заради тоа се повеќе треба да зборуваме за начините на самопрегледување, начините на спречување на болеста да одземе поголем број на животи на жените.
Дополнително би сакала да кажам дека се залагаме за зголемување на бројот на лекови на позитивната листа коишто се напредни, коишто овозможуваат на жените да живеат со оваа болест, да се справуваат со болеста, и да го вратат назад своето здравје.
Денеска сите заедно треба да ја испратиме пораката дека ова е болест, со којашто можеме заедно да се бориме, и да спасуваме многу животи на жените во Македонија.
Затоа ви благодарам што сте тука, да дадете поддршка“, изјави Радмила Шекеринска, Заменик претседателка на СДСМ.