Српското обвинителство за воени злосторства соопшти дека ги побарало од Хашкиот трибунал материјалите и доказите за сторените воени злосторства во текот и по воено-полициската акција на хрватските вооружени сили, “Бура“, кои се наоѓаат во предметот против Анте Готовина.
Покрај барањето за доставување на документацијата, Обвинителството го известило главниот тужител во Хаг, Серж Брамерц, дека од Транзициониот тим на Хашкиот трибунал ги побарало и материјалите што се однесуваат на воените злосторства сторени во текот на “Бура“ и по неа.
Српскиот обвинител за воени злосторства, Владимир Вукчевиќ, неодамна изјави дека на пет локации, Мали Алан, Дворот на Уна, Госпиќ Кијани, Петрињ и Вргин мост, се водат предистражни постапки во врска со злосторствата над Србите сторени во текот и по “Бура“ во 1995 година.