Телевизијата „Едо“ е ставена под лупа на Советот за радиодифузија, поради тоа што емитува холивудски премиери за кои постои сомневање дека се пиратски, поради тоа што се набавуваат за само 100 евра од фирма за филмска дистрибуција во Виена.
Имено, СРД побара од Министерството за внатрешни работи да преиспита дали телевизијата има легални договори за емитување на ексклузивните холивудски премиери.
СРД размислувала да оди со кривична пријава или со предкривична преку обвинителството, но со оглед дека не можеле да проверат сами, барањето го упатиле во МВР која треба да испита дали ила деловен однос.
Доколку се утврди дека се кршат авторските права, тогаш законот предвидува низа санкции, меѓу кои е и забраната за дејност.