Хрватскиот генерал Анте Готовина, кој беше ослободен минатата седмица од Хашкиот трибунал по обвиненија за воени злосторства за време на операцијата „Бура“, од денеска е почесен граѓанин на Сплит, објави весникот „Слободна Далмација“.
Првата точка на дневен ред на денешната седница на градскиот совет, на која присуствуваше и градоначалникот на Сплит Жељко Керум, беше прогласувањето на генералот Готовина за почесен граѓанин на Сплит, пишува весникот.
Одлуката беше изгласана едногласно и без разгледување, по иницијатива на градоначалникот Керум.
Не е познато кога Готовина ќе го добие документот за одликувањето. И пред 11 години градскиот совет на Сплит донесе одлука да го прогласи Готовина за свој почесен граѓанин, додава „Слободна Далмација“.