Жителите на италијанските градови, разурнати во земјотресот во средата, беа разбудени ноќеска од нова серија потреси, од кои најсилниот изнесуваше 4,2, степени по Рихтеровата скала.
Во Италија денеска е Ден на жалост за жртвите на природната стихија, во која загинаа 281 лице и 387 се повредени.
Подоцна во текот на денот, во Асколи Пичето ќе се одржат државни погреби за некои од загинатите, на кои ќе присуствуваат премиерот Матео Ренци и претседателот Серџо Матарела. Пред погребите, ковчезите со посмртните останки се изложени за поклонение во фискултурна сала во гимназија.