Бројот на живородени деца во третото тримесечје од годинава изнесува 6.309 што е 3,5 отсто повеќе во споредба со истиот период лани.
Според Државниот завод за статистика (ДЗС), зголемување за четири проценти е евидентирано и кај бројот на умрените лица кој достигнал 4.534. Од нив 60 се умрени доенчиња.
Природниот прираст изнесува 1.775 лица, за толку лица бројот на живородени деца е поголем од бројот на умрените лица.
Како што соопшти ДЗС, во третото тримесечје годинава бројот на склучени бракови достигнал 4.531 што е намалување за 1,8 отсто во однос на истиот период во 2011, додека разведените вкупно 427, бележат зголемување.