Србија вечерва и официјално ги отвори поглавјата 23 и 24 во пристапните преговори со ЕУ. Ова беше соопштено на Третата меѓувладина конференција на ЕУ и Србија во Брисел.
-Ова е голем ден за Србија. Ова покажува дека е тоа нашиот стратегиски пат кој ја покажува нашата посветеност на сите задачи кои се поставени пред нас. Свесни сме дека ќе имаме тешкотии и пречки, посебно кај овие поглавја, но одлучни сме да ги исполниме, рече Вучиќ во Брисел.
На прес конференцијата говореше и еврокомесарот Јоханес Хан.
-Нешто битно се случи и можеме да прославиме за отворање на поглавјата. Ова е голем момент з сите нас. Ова е признание и за Србија и нејзиниот напредок. Многу работи направи владата на Србија, која ја презеде обврската за реформи. Ја прифаќаме Србија со раширени раце, а таа ќе ја дефинира брзината на преговарање која зависи од напредокот во клучните поглавја, рече Хан.